Eresbil Berriak

ELKAR ARGITALETXEAREN PRENTSA TXOSTENAK

Mar 10, 2022 | Kultura jarduera | 0 Comments

Elkar ekoiztetxea egoitza berrira aldaktuko da, eta bere ekoizpenei buruzko informazioa biltzen dituzten prentsa-txostenak helarazi dizkigu . Dokumentazioak gutxi gorabehera bi metro lineal hartzen ditu, eta laster hasiko da katalogazio-prozesua.

Fermín Leizaolaren dohaintza

Mar 9, 2022 | Funtsak eta bildumak | 0 Comments

Fermin Leizaolak arbelezko disko batzuk eman dizkigu berriki, bere aitona Fermin Calvo de la Peñarenak, lanbidez abokatua. Fermin Calvo Karrantzan jaio zen, San Esteban auzoan, 1861ean, baina familiak Angeluko Chateaun finkatu zuen bere bizilekua. Bilobak jakinarazi digunez, disko horiek 1910 eta 1918 artean erosi zituzten.

Katalogoa kontsultatu

TOMAS ARAGÜÉS IN MEMORIAM

Ots 18, 2022 | In memoriam | 0 Comments

TOMAS ARAGUES
Atzo zendu zen Tomás Aragüés Bernad. Guztiontzat galera handia. Musikagilea, irakaslea eta zuzendaria, beti gogoratuko dugu bere adeitasunatik eta proposatu zitzaizkion musika-ekimen guztietan laguntzeko prestasunagatik. Musikasterekin 1976tik 2021era arte izandako lankidetza estuak, bere ibilbide artistikoan besteei eman izanaren erakusgarri dira.
Goian bego

PELLO ZABALA IN MEMORIAM

Ots 3, 2022 | In memoriam | 0 Comments

Pello Zabalaren biografia labur honekin homenaldi xumea egin nahi diogu. Pello musikazale amorratua zen. Organo-jolea, musika-dibulgatzailea eta konpositorea. Bere bizitza Arantzazuko Santutegiari lotuta egon zen. Lehen musika ikasketak bere jaioterrian hasi zituen eta parrokiako abesbatzan parte hartu zuen. Zarautzen Frantziskotarren habitua jantzi zuen, 15 urte zituela, eta organo-ikasketak hasi zituen Jose Mª Ibarbiarekin, Estanislao Suduperekin, eta harmonia Victor Zubizarretarekin.
Idatzitako lanen artean, Santutegiaren jarduerari eskainitako konposizioa azpimarratuko genuke, Ezkila bilduman (Belloc – Urt) argitaratua.

Pello Zabala Musikasten

Baina Euskadi Irratiko Klasikoak gaur eta Fonoteka saioaetan, 20 urte baino gehiagoan musika klasikoa eta gregorianoa jakitera emateko egin zuen lanak eman zion onarpen publiko handiena. Bere fonoteka aberatsa Musikene – Euskal Herriko Goi Mailako Musika Zentroari eman zion, ikasleek erabili dezaten. Goian bego!

EUROPAKO ONDAREARI BURUZKO JARDUNALDIAK ERESBILEN

Ira 28, 2021 | Uncategorized @eu | 0 Comments

 cartel-blog-2x3-jep-20-1024x683

Urriaren 1ean, ERESBIL Europako Ondareari buruzko Jardunaldiekin bat egingo du, “Musika-ondarea eta ikusmen-desgaitasuna” izeneko mahai-inguru batekin. Concha Campo ONCEko liburutegi-kudeaketako adituak bere jardunaren berri emango digu eta Xabier Armendariz musikari eta kritikariak Felix Madinabeitia musika-funtsaren tratamendu eta analisi artxibistikoan Eresbilen egindako lana azalduko du.

ERESBILen URRIAREN 1ean 11:00etan.
Izen ematea beharrezkoa da
Izen emate orria

JON BAGÜÉS, EUSKO IKASKUNTZAREN MANUEL LEKUONA SARIA 2021

Api 21, 2021 | Sariak | 0 Comments

Jon Bagüés

Gipuzkoako musikologo eta artxibozaina Eusko Ikaskuntzaren sarian sartu da euskal musika ondarearen alde egindako lanagatik.

Jon Bagües Erriondok (Errenteria, 1955) Filosofia eta Letrak ikasi zituen Donostian, eta Musikaren Historian espezializatu zen Bartzelonako Unibertsitate Autonomoan, 1990ean doktoratu zen “La música en la Real Sociedad Bascongada de los Amigos del País” izenburuko tesiarekin. Prestakuntza Donostiako, Bartzelonako eta Madrilgo kontserbatorioetan osatu zuen. Liburutegi Nazionalean Artxibistika eta Dokumentazioan espezializatu zen.1979an, Eusko Ikaskuntzaren Musika Atalaren sorreran parte hartu zuen. Eusko Ikaskuntzak 1990 eta 1996 bitartean izan zuen buru, eta bere Sail Koadernoetako zenbait zenbaki koordinatu zituen. Hogei urtez (2000-2020), Eresbil – Musikaren Euskal Artxiboa zuzendu zuen.Epaimahaiaren iritziz, 2021 Manuel de Lekuona Saria emateko merezimenduen artean, euskal musika ondarearen alde egindako lana nabarmentzen da, hainbat alderditatik. Jon Bagüések konpositoreen lanak berreskuratzea ahalbidetu eta zabalkundea erraztu du. Era berean, lanean ari diren konpositoreei lagundu die, eta musika ikasteko eta interpretatzeko erakundeak sortzen lagundu du (Peñaflorida kapera, adibidez, 1985etik antzinako musika ikertzen eta hedatzen duena). Azkenik, herrialde osoko musika- eta kultura-erakundeekiko konpromiso aktiboa azpimarratu da.

Zorionak Jon!