Koruen egunean José Lusi Ansorenari omenaldia egingo diogu. Aurten Erreteriako lau abesbatzek eskainiko dute kontzertua: Andra Mari Abesbatza, Karnaba Otxotea, Landarbaso abesbatza eta Zaria Koru Eskola izango ditugu entzungai.
2020/04/14
Badator MUSIKASTE jaialdia, euskal musika maite duten guztientzat. Beste urte batez, hain ezagunak ez diren musikagileen obrak entzuteko aukera izango dugu, ERESBILeko egoitzetik atera eta Errenteriako hainbat agertokietan argitaratuz.
2020ko udazkenean MUSIKASTEren 48. edizioa ospatuko da, eta jaialdiaren fundatzailea izan zen José Luis Ansorenari bereziki gogoan izango dugu jaialdi guztian zehar.
2020ean Iparragirre abeslariaren jaiotzaren 200. urtemuga beteko da, eta bere abesti ezagunak izango dira jaialdiaren ardatzetako bat.
Era berean Miguel Gonzalez Bastida eta Javier Bello-Portu musikarien mendeurrena beteko da.
Artista kartel garrantzitsua eskainiko du MUSIKASTEk bere programazioan, musika klasikoa nabarmenduz, baina musikagile berriei lekua eskainiz, baita antzinako musika, ganbera musika, korala eta musika sinfonikoari ere.
Hortaz, MUSIKASTE 2020an gure artean izango ditugu Xare Laborategia, Urval Ensemble edo Khantoria, hainbat abesbatzekin batera eta Euskadiko Orkestra Sinfonikoa ere, entzuteko irrikitan gauden beste batzuen artean.