Zaira Koru Eskolak Musikasteko Koruen Egunean parte hartuko du ostiral honetan, 19.30etatik aurrera, Lekuona Fabrikan. Aurten bere hamargarren urteurrenera ospatuko du, eta Imanol Elizasu zuzendariaren esperientzia du.
– Zer suposatzen du zure abesbatzarentzat Musikasteren edizio berri honetan parte hartzeak?
– Ilusio handia daukagu Musikasteren edizio honetan parte hartzeagatik. Gure abesbatzak 10 urte bete ditu aurten eta jaialdi batean parte hartzea guretzat oso berezia da. Esan beharra daukat, ni oso pozik nagoela Musikasten gure trebetasuna erakutsi ahal izateagatik, azken finean oso jaialdi garrantzitsua da.
– Nola baloratzen duzu Musikaste abesbatzen alde egiten ari den lana?
– Lehen esan dudan moduan, Musikaste oso jaialdi garrantzitsua da eta kulturalki oso lan ona egiten ari da abesbatzen alde. Koruentzat oso garrantzitsua da babes hori edukitzea eta, aldi berean, oso inportantea da jaialdi honek gure kultur ondaren aldetik egiten duen lana.
– Zer nabarmenduko zenuke aurkeztuko duzuen programatik?
– Kontzertu honetan hiru obra eskainiko ditugu. Denak oso bereziak dira guretzat eta esan beharra dago bi estreinaldi eskainiko ditugula: “Labarretik”, Pello Ramirezen lana, eta “Kantu batean goaz”, Junkal Guerrerorena. Hiru abestiak estilo ezberdinekoak dira eta horrek aukera emango digu gure gaitasunak erakusteko eta erakustea estilo ezberdinetara moldatzeko daukagun trebetasuna.
– Zer transmititu nahi diozue publikoari eskainiko dituzuen lanekin?
– Eskainiko ditugun obrek mezu bat daukate eta hori da guk bilatzen duguna, mezu hori zabaltzea. Mezu hori, sentipenak, emozioak…